عراقيون IRAQIUOON

 صــــــوج الرفــــاق

المزيد

                       إنســــــه                        

للشاعرة د. فوز النعيمي

إنسه  

إنك   مو أخويه

ولا أبويه  و لا  قريبي

ولا حبيبي

وانسه

إني  جنس آخر

يسببلك   عناء

وانسه كل اللي

يعشعش في ضميرك

من مواريث   الكلام

عن ذكوره  و عن إنوثه

وعن حلال وعن  حرام

يعني بلوه وگعنا بيها

ألله سوانا

كما حَب و أشاء

إنت من جنس  الرجال

وآني من جنس  النساء  ؟؟؟

وانسه كل اللي  تعرفه

عن حريمٍ

إلك  وياهن  حكايا

آني   مو     منهن

ولا  يمكن   أكون

آني من صنفٍ

حوى   كل الجنون

تريدني ويه الرجال

آني رجل

بكل  أخلاق  الرجوله

وهم تره   أكثر  أمون

تريدني ويه  النساء

آني أجمعهن

بكل الراقي مما يجي ببالك

من ظنون

وقبل كل هذا وذاك

إحنه  إنسان

إنزرع  بينه الحنان

الله شاء

إحنه إنكمل  بعضنا

بكون

ما ممكن يصير الآ بـ اثنين

بكون ما ممكن يكون

الآ بمذكر و  بمؤنث

يعني ممكن  آني لك

أم  و أخت

و هم صديقه  و هم رفيقه

و هم حبيبه و هم    قريبه

وهم   إلك  همسه   رقيقه

المزيد

  حوارية .. بين الكرسي وبين الناس 

للشاعر جواد القابجي   

ردت للكرسي أعاتب 

گال ميخالف كفايه ..

المزيد

ما أدري تبقه اشلون  هاذي الحكومه

الشاعر جواد القابجي

ما أدري تبقه اشلون ++ هاذي الحكومه

بوگ اوسفك ورهاب ++ والشعب نومه

********

فهمونه يا هلناس ++ شنسوّي شنحِل

لو ينرفع هلراس ++ يو نبقه بالذِل

**********

الشعب چالأسد لا ميخاف ++ منجار

شفتوه إشحمل من ضيم ++ منجار

حكومة بوگ والإرهاب ++ منجار

كلها إتحالفت تدمير بيَّه

*************

إتحالفت هالأحزاب   ++ تسرق أملنه

بالقشمره والزور ++ أسفكت دمنه

*********

المزيد

 حسنة أم اللبن صارت سياسية    

الشاعر احمد الياسري والمرحوم الشاعر الشهيد رحيم المالكي 

عدنه شلون دوله وبيها حرية حسنة أم اللبن صارت سياسية
حسنة شلون لعبت بالخلگ طوبة راحت للسياسة وعافت الروبة
الفضائيات كلها عليها مگلوبه أمريكا و أوربا بيها مسبيّة
حسنة أم اللبن صارت سياسية   
**********
حسنة لفلفت كلشي بعبايتها وسبع تالاف من تمشي حمايتها
بسوگ اللبن متشكلة وزارتها و حكومتها حكومة محو آميه
حسنة ام اللبن صارت سياسية
**********
طلابتنا چبيره و حسنة حبابة وبوش يگول هي تحل الطلابة
حسنة للحكم صعدت بدبابة و گامت ترسملنه خطط امنية
حسنة ام اللبن صارت سياسية

المزيد

رسالة الى وطني

قصيدة الشاعر الكبير  زهير الدجيلي

هدية الى موقع عراقيون

مثل لوح الزجاج ابحجر كسروك
وطن مكسور تحت اقدامهم داسوك
لفّوّك بعلم محروٌكً
 كلما تنطفي ويملي الرماد أعيونك يحركًوك
داسوا روحك وداسو شعاع الخير
في وجهك النوراني ولاهابوك
حتى الآه ردت اتكًولها يازهوة الأوطان ماخلّوك !
ويلي اعليك ياروح الحياة
وروحي ذلت بيك من ذلّوك

صاحوا بيك فرهود وصرت منهوب
وياذلتّك من اولادك ينهبوك
 وياذلتك من اولادك ايصيرون
ويّ الأجنبي يغزوك ويخونوك
 يازينة اوطان الدنية ياشيّال ضيم الناس
ويلي هاكثر ضاموك ؟!
ماهابوك ولارحموك ولاحنّوا عليك أولادك الخانوك
تسع أ سنين  خلوك  ابعذاب وضيم
 حتى الموت ملّ  منك وماهدّوك
                  **   **
وطن منهوب نهب الريح
 للكًاع الخراب ابريحهم  نهبوك
وانجوم الزمان  انطفت كلها اوياك
صارت ظلمة من طفوّك
صار الليل بعيونك رماد وموت
 واكفوف الغدر سووّها لك تابوت
ومن طاحت الغيرة ومابقى ناموس
 دفنوها ذبيحة  اوياك  وماشالوك
تاليها خرابة  أيذرّي بيها الموت
هيج انسحبوا وعافوك !!
      **        **
ويلي اعليك يابيرغ الهيبة العالية بالناس
 الناس اللّي ابفخر حبوّك
 الناس اللّي بأمل رادوك
بستان المحبّة وجّنة الدنيا
وطن في كل وقت يلكًوك
 الناس اللّي صرت بكَلوبهم شريان
وشريان الوطن من ينسّد  يفقدوك
 الناس اللًي بقوا ويّاك
محرومين  , مسجونين
 تعبانين  , مظلومين , متغربين
لكنهم بقوا ويّاك ماعافوك
 موذوله الأنذال اللّي اجوا  بالأجنبي يغزوك
ولاذوله الأوغاد اللّي رضوابالذلّ
 تحت الأجنبي  يحكموك
ولاذوله الصعاليك الأجوا  من كل فجاج الأرض
متحزمين بحزام الحرام   وكًاموا يسرقوك
 ولا ذوله النسوا انكّ وطن ,أغلى  وطن
 لكن الرخيصة انفوسهم بأرخص ثمن باعوك
ولاذوله اليحسبونك ارض منهوبة
 ما ألها شعب  من حقهم يقسموك
نسوا انك سليل الأرض لوماتت
تظل انت العراق الحيّ بقلوب  اليحبّوك
نسوا انك فجر كل ليل من يفزع
يخلّي الناس تصحى ليومها  الموعود
 نسوا انك يبو النهرين ياروح الحياة
الكَمت من الموت مرات وترّد اردود
وتشع الدنيا بعيونك شمس متغيب
وشراينك  فرات ودجلة يمتدّن
لقلب الأرض ..  لقلوب اليحبّوك
             **       **
ويلي اعليك ياروح الحياة
ور

المزيد

القصيدة التي أغضبت سلاطين المنطقة الخضراء

للشاعر كاظم الوائلي  

ما بـِعنه الوطن بس نُعـرُف الباعة
ونُعرُف بالأسِـم من خَربـط أوضاعة

والناس ابتِلـت والحـال نفس الحال
ماكو شـي تغيّر باقـي هالمـوّال
أهي نفس (الـَسدارة) ونفـ

المزيد